No artigo 53 do Real Decreto Lexislativo 2/2011, de 5 de setembro, polo que se aproba o Texto Refundido da Lei de Portos do Estado e da Mariña Mercante, dise que «a fin de estabelecer o modelo de desenvolvemento e a posición estratéxica da Autoridade Portuaria, esta poderá elaborar un Plan Estratéxico que contemple os portos da súa competencia, que incluirá, polo menos, unha análise e diagnóstico da situación actual, a definición das liñas e obxectivos estratéxicos, os criterios de actuación e o plan de acción».

Na actualidade estase en proceso de contratación do "Servizo de consultoría para a formulación, avaliación e comunicación do plan estratéxico do Porto da Coruña".

Os obxectivos estratéxicos actualmente vixentes, por perspectivas, son os seguintes:

O Sistema Integrado de Xestión da Autoridade Portuaria deseñouse como un sistema interrelacionado de procesos orientados á mellora da calidade (entendida como a mellora continua no cumprimento dos requisitos e expectativas dos nosos clientes e usuarios no acceso e a utilización dos servizos xerais e portuarios e o gozo das concesións e autorizacións demaniais), á protección da contorna ambiental e á redución dos riscos laborais e de saúde e seguridade nos nosos procesos, contribuíndo conxuntamente ao incremento da satisfacción dos nosos grupos de interese.

O alcance do noso Sistema Integrado de Xestión comprende as seguintes actividades realizadas pola Autoridade Portuaria, tanto no porto interior como no porto exterior: prestación de servizos xerais e xestión de servizos portuarios. Xestión da execución das obras no ámbito portuario. Xestión do uso do dominio público portuario.

Como marco destas actividades e da mellora continua na súa execución, a Política do Sistema Integrado de Xestión estabelece os seguintes compromisos:

  •  Mellorar a oferta de infraestruturas e servizos portuarios e de axudas á navegación considerando as expectativas de todos os grupos de interese.

  • Enfocar a nosa xestión na prevención, tanto dos defectos na prestación do servizo como da contaminación ambiental e da seguridade e saúde no traballo mediante a adopción de programas ambientais para cada aspecto ambiental e programas de verificación de seguridade.

  • Respectar e cumprir os requisitos legais aplicables en calquera ámbito do dereito, así como calquera outro compromiso adquirido.

  • Incorporar o principio de mellora continua na xestión das nosas actividades, definindo obxectivos anuais orientados a facilitar servizos ecoeficientes para a mellora da competitividade, a preservación dos recursos naturais da contorna portuaria e a seguridade e saúde dos traballadores.

  • Fomentar a implicación de todos os membros da organización e da comunidade portuaria na consecución dos nosos obxectivos a través de plans formativos e de sensibilización.

  • Asumir a iniciativa na implantación de canles de comunicación coa comunidade portuaria, administracións públicas, axentes sociais e económicos e a sociedade en xeral para informar sobre a xestión dos aspectos ambientais e sobre os compromisos asumidos en materia de ESG.

 

Documentos

Certificado EMAS APAC
Política de xestión integrada 2021

Ligazóns de interese

Certificados ISO 9001: 2015, ISO 14001:2015 e ISO 45001:2018