Fondos Feder 4
Cinco obxectivos principais impulsarán os investimentos da UE entre 2021 e 2027. Os investimentos no desenvolvemento rexional centraranse especialmente nos obxectivos 1 e 2. Entre o 65 % e o 85 % dos recursos do FEDER e do Fondo de Cohesión asignaranse a estas prioridades, segundo a riqueza relativa dos Estados membros:
- Unha Europa máis intelixente, mediante a innovación, a dixitalización, a transformación económica e o apoio ás pequenas e medianas empresas.
- Unha Europa máis ecolóxica e libre de carbono, que aplique o Acordo de París e invista na transición enerxética, as enerxías renovables e a loita contra o cambio climático.
- Unha Europa máis conectada, cun transporte estratéxico e redes dixitais.
- Unha Europa máis social, que faga realidade o piar europeo dos dereitos sociais e que apoie o emprego de calidade, a educación, as capacidades educativas e profesionais, a inclusión social e a igualdade de acceso á asistencia sanitaria.
- Unha Europa máis próxima aos cidadáns, que fomente as estratexias de crecemento de xestión local e contribúa a un desenvolvemento urbano sostible en toda a UE.
